अर्जेन्टिना विश्वकपमा छनोट

वर्ष १०, अंक २४ (२०७० भाद्र २८ गते शुक्रबार प्रकाशित)

अर्जेन्टिना विश्वकपमा छनोट

    मोन्टेभिडियो – लियोनेल मेसीको २ गोलमा अर्जेन्टिनाले मंगलबार पाराग्वेलाई ५–२ ले पराजित गरी विश्वकपमा छनोट भएको छ । ब्राजिलमा अर्को वर्ष हुने प्रतियोगितामा दक्षिण अमेरिकी क्षेत्रबाट छनोट हुने अर्जेन्टिना पहिलो राष्ट्र हो । कप्तान मेसीले दुवै हाफमा पेनाल्टी गोल गरेपछि अर्जेन्टिनाले रवाफिलो विजय हात पार्दै विश्वकपमा छनोट भयो । प्रतिबन्धका कारण पहिलो रोजाइका चार खेलाडी नरहे पनि पाराग्वेका राजधानीमा भएको खेलमा अर्जेन्टिनालाई विश्वकपमा छनोट हुन बराबरी नै काफी थियो ।
    तर एलेजान्द्रो साबेलाको टोलीले विश्वकपमा अर्जेन्टिनाका किन दाबेदार टोलीमा राखिएको प्रमाणित गर्दै शानदार खेल प्रदर्शन ग¥यो । मेसीले १२औं मिनेटमा खाता खोले । ६ मिनेट नबित्दै जोसे नुनेजले घरेलु टोलीलाई बराबरीमा ल्याए। म्यानचेस्टर सिटीका स्ट्राइकर सर्जियो अगुइरोले ३२ औं मिनेटमा गोल गरी अर्जेन्टिनालाई पुनः अग्रता दिलाए ।
    रियाल मड्रिडका विङगर एन्जेलो डी मारियाले ५१औं मिनेटमा तेस्रो गोल गरे। २ मिनेटपछि नै अर्को पेनाल्टी पाउँदा मेसीले दोस्रो गोल गरे । २०११ को विश्वकपमा क्वाटरफाइनल पुगेको पाराग्वेबाट भेट्रान रोकी सान्ता व्रmुजले ८६ औं मिनेटमा गोल फर्काए। अन्तिम मिनेटमा म्याक्सी रोड्रिगुएजले पाँचौं गोल थपी अर्जेन्टिनालाई प्रभावशाली विजय दिलाए ।