कस्तो पार्टी चुनाव उठ्दैछ ? – २

वर्ष १०, अंक २४ (२०७० भाद्र २८ गते शुक्रबार प्रकाशित)

कस्तो पार्टी चुनाव उठ्दैछ ? – २

‘मौका नपाएसम्म इमान्दार बन्ने नेताले देश विगारे,

भागवण्डाको राजनीतिले देश ब्रम्हलुट गरे’

राजनीति फोहोरी खेल हो ? राजनीतिले देश विकास गर्दैन ? किन राजनीति गर्ने ? राजनीति प्रति वितृष्णा कसले फैलायो ?
हिजो संविधानसभाबाट संविधान कसरी बनेन ? संविधानसभाको हत्या कसरी भयो ? अहिले बन्छ भन्ने के ग्यारेन्टी ?
    गत अंकमा राजनीतिक के हो र किन राजनीतिबारे छलफल गरेका थियौं । अव यो अंकमा राजनीतिमा लागेपछि विकास हुँदैन र राजनीतिप्रति कसले वितृष्णा फैलायो बारे छलफल गर्ने जमर्को गर्दैछु ।
राजनीतिमा लागेपछि विकास या बिनास ?
    राजनीति सवैको हित चाहने नीति हो । राजनीतिक कार्यकर्ताहरु इमान्दार, लगनशील भएमा देशको विकास सजिलै हुन्छ । काठमाडौं, कीर्तिपुर, भक्तपुर ललितपुरमा ०४६ साल पछि ७० सम्म पुग्दा धेरै परिवर्तनशील विकास भएको छ ।
    हिजो फोहोर शहर जथानाम दिशा पिशाव गर्ने ठाउँ अहिलेसम्ममा पूर्ण हटिसकेको छ भने राज्यले सन् २०१४ सम्ममा खुला दिसामुक्त क्षेत्र घोषणा गर्ने लक्ष्य लिएको छ । बाटो निर्माण मथ–मन्दिर जिर्णोद्वार, संरक्षण सम्बद्र्वनमा द्रुत गतिले कार्य भैरहेको छ ।
    माथि उल्लेख गरेझै विकासमा इमान्दार, लगनशील र पारदर्शी भएमा धेरै विकास हुन सक्दछ ।
    विकासमा विनाश पनि भएको पाइन्छ । विनाश यस अर्थमा छ कि विकासको लागि विकास र विकासको रकम समेत कमशल सामान प्रयोग गरेर, कमिशनमा फसेर जुन चाहना अनुसार विकास हुनुपर्ने हो त्यो भएको पाईदैन । विशेषत कीर्तिपुरमा संचालित ढुंगा विछ्याउने मथ–मन्दिर निर्माण लगायतका हिसाव सार्वजनिक नभएपछि पैसाको विनाश भएको शंका गर्न थालेको छ ।
    देशमा एउटा सस्तो नमूना नगरपालिका पनि हामीले देखिरहेका छौं । त्यो हो भक्तपुर नगरपालिका । जुन नपामा त्यहाका भक्तपुरवासी र नगर, जिल्लाका जनप्रतिनिधिहरुको सक्रियताले एसियामै एउटा सफा नगर घोषणा भैसकेको छ भने पर्यटकीय गन्तव्य बनिसकेको छ । नेपाल आउने पर्यटक सवैभन्दा बढी अवलोकन भक्तपुर नगरमै भएको छ । जसबाट आ.व. २०६९/०७० मा भक्तपुर नपाले पर्यटक शुल्क बाट मात्रै १८ करोड राजश्व उठाएको छ ।
    त्यति मात्र होइन ट्रान्सपरेन्सी इन्टरनेशनलले समेत नेपालको एउटा मात्र ट्रान्सपरेन्सी नगर भक्तपुर घोषणा गरिसकेको छ ।
    पर्यटकीय शुल्कबारे पर्यटन क्षेत्रमा खर्च गरेर बाँकी रकम शैक्षिक क्षेत्रमा पनि लगानी गरी भक्तपुर शैक्षिक अध्ययन केन्द्रको रुपमा विकास गरिसकेको छ । एक घर एक स्नातक सन २०१६ को लक्ष्य साथ भक्तपुर नपाले ५ वटा कलेज संचालनमा छन् भने ख्वप विश्वविद्यालय स्वीकृतिको लागि अन्तिम चरणमा पुगेको नपा स्रोतको छ ।
    भक्तपुर नपाको विकास जनताको चाहनालाई भक्तपरका स्थानीय निकायमा पुग्न सफल राजनीतिक पार्टी र भक्तपुरवासीको महत्वपूर्ण हात रहेको छ ।
    विकासको नाममा विनाश गरेको भए आज भक्तपुर नपा पनि विनासको मुखमा परिसक्दथ्यो । आज सवैले सरसफाई सहर, पर्यटकीय सहर, शैक्षिक केन्द्रको उदाहरण र अनुकरणीय भक्तपुर नपाले गरिररहेको छ ।
राजनीतिमा वितृष्णा कसले फैलायो ?
    राजनीतिप्रति वितृष्णा कसले फैलायो भन्ने प्रश्नको सतिक जवाफ सत्तामा पुगेका राजनीतक शासक दलले नै गरेको प्रष्ट छ ।
    मौका नपाएसम्म मात्र इमान्दार बनेको राजनैतिक दल र नेता कार्यकताले गर्दा नै राजनीतिप्रति वितृष्णा फैलिएको हो ।
    नेकाले गर्न मिल्छ भने, एमालेमात्र के कम, एमालेले गर्न मिल्छ भने माओवादीले विर्गान नहुने भन्ने त छैन भन्दै देशको हालत यस्तो अवस्थामा पुर्याएको हो । राजनैतिक भ्रष्टाचार, राजनैतिक वेइमान र राजनैतिक डकैटी अहिले सत्तासिन राजनैतिक दलहरुले नै गरेका हुन् ।
    राजनीतिमामात्र होइन हरेक क्षेत्रमा भागवण्डाको कारण, आउरे बाउरेलाई भर्तिको कारण, वितृष्ण फैलिएका हो । त्यस्ता राजनैतिक दलहरुनै अहिले चुनावमा दुई तिहाई भन्दै चुनावी मैदानमा देखा पर्दैछन् । के अब हामी फेरि त्यस्ता पार्टी र व्यक्ति नेता कार्यकर्ताहरुलाई भोट हाल्न चाहन्छौं ।
    एक पटक सोचौं यो देशको हालत देशको अन्यौल कसले गर्दा भयो ?

– नारायण महर्जन