तीनथानामा पहिरोले घर भाँसियो

तीनथानामा पहिरोले घर भाँसियो   

 वर्ष ९, अंक २५ (२०६९ असोज ५ गते शुक्रबार)

     कीर्तिपुर । तीनथान गाविस वडा नं.५ मा सुनिल कुमार यादवको घर सोमबार राती २ बजे पहिरो जाँदा घर सय मिटर पर भासिइएको छ ।
    लगातार पानी परेपछि कीर्तिपुर नपा र तीनथान गाविसको सिमाना मुलखुसीको ठूलो भेलले पहिरो गएको कीर्तिपुर महानगरीय प्रहरी प्रभाग कीर्तिपुरले जनाएको छ । सो भासिएको घरमा दुई जनामात्र सुतिरहेको प्रहरी स्रोतेले बताए ।
    तीनथान गाविसस्थित मकैवारीमा घर बनाएकोले जमिनको माटो फुस्रो भई बगाएको हुन सक्ने स्थानीय बासिन्दाहरु बताउँछन् । १०० मिटर परसम्म बगाएको सो घर अलि ढल्केको छ । जग कत्तान हुने गरी आएको पहिरोले मुलखोलाको पानीको धार बन्द भई खेतबाट बगेको छ ।
    यहाँ अरु ५/६ वटा घर पनि पहिरोको जोखिममा रहेकोले महानगरीय प्रहरी प्रभाग, सशस्त्र प्रहरी र स्थानीय बासीहरु उद्धारमा लागेका छन् ।