विश्वको सर्वोच्च शिखर सगरमाथा कीर्तिपुरका प्रथम आरोहीसँग आइडिया शेयरिङ्ग कार्यक्रम सम्पन्न

  विश्वको सर्वोच्च शिखर सगरमाथा कीर्तिपुरका प्रथम आरोहीसँग आइडिया शेयरिङ्ग कार्यक्रम सम्पन्न    

वर्ष ९, अंक २५ (२०६९ असोज ५ गते शुक्रबार)

सगरमाथा आरोही सन्तकुमार महर्जन

    कीर्तिपुर स्वयंसेवक समाज र राराहिल अल्मुनाई एसोसिएसनको संयुक्त आयोजनामा भदौ २७ गते बुधबारका दिन राराहिल मेमोरियल स्कूलको सभाहलमा कीर्तिपुरका प्रथम विश्वको सर्वोच्च शिखर सगरमाथा आरोही सन्तकुमार महर्जनसँग आइडिया शेयरिङ्ग कार्यक्रम सम्पन्न भयो ।
    स्मरणीय छ, नेपाल सरकारको निजामति आरोहण दलमा सम्मिलित भएर वि.सं २०६७ सालमा उनले यसको सफल आरोहण गरेका थिए । सगरमाथा आरोहणका अनुभवहरु, विश्वमा जलवायु परिवर्तनबाट उच्च हिमाली क्षेत्रमा देखिएका असरहरु र कीर्तिपुर क्षेत्रमा वृहत्तर पर्यटन विकासको सम्भावना र चुनौतीहरु सम्बन्धमा सहभागीहरु बीच अन्तरक्रिया पनि सम्पन्न भएको थियो र सन्तकुमार महर्जनले सहजीकरण गर्ने प्रयास गरेका थिए ।
    कीर्तिपुर स्वयंसेवक समाजका अध्यक्ष प्रज्वल मान प्रधानले कार्यक्रमको अन्तमा आरोही सन्तकुमार महर्जनलाई मायाको चिनो प्रदान गर्नुभएको थियो ।
    की.स्व.सले प्रत्येक नेपाली महिनाको अन्तिम बुधबार आइडिया शेयरिङ्ग कार्यक्रम संचालन गर्दै आइरहेको छ ।