बखुमद सातगाउँले जात्रा सुरु

बखुमद सातगाउँले जात्रा सुरु

वर्ष ९, अंक ३६ (२०६९ पुस ६ गते शुक्रबार प्रकाशित)
    सातगाउँले जात्रा बखुंमद बुधबारबाट सुरु भएको छ । काठमाडौंको दक्षिण–पश्चिम गाउँहरु नगाउँ, पाँगा, कीर्तिपुर, तपखेल, बोसीगाउँ, सतुंगल र तीनथाना नैकाप गरी सात गाउँमा हुने जात्रा आ–आफ्नै चलनचल्ती अनुसार मनाइने गरिन्छ ।
    जात्राको सुरु नगाउँमा बिहीबार राती ढाल्चा (जाड राख्ने भाडो) काम्ने जात्रा र पाँगामा बालकुमारी र विष्णदेवीको खट जात्राको क्रममा लाछी देवता घरबाट विधिपूर्वक खटमा राखी बालकुमारीलाई दिउखेल बालकुमारी पुर्याइयो ।
    अष्टमीको दिन विष्णुदेवीलाई खट जात्रा गरी विष्णदेवी मन्दिर भाजंगाल पुर्याइयो भने आज मुख्य जात्रा गरिनेछ । भोलि ७ गते नवमीको दिन कीर्तिपुरमा इन्द्रायणी खट जात्रा गरिनेछ भने अन्य गाउँ बोसिगाउँ, सतुंगल, तपखेल, तीनथाना, भैरवको जात्रा मनाइन्छ ।