टुहुरो कल्याण संघ टुहुरो बन्यो

वर्ष ९ अंक ३० (२०६९ कार्तिक १७ गते शुक्रबार प्रकाशित)

टुहुरो कल्याण संघ टुहुरो बन्यो

    टुहुरो बालबालिकालाई शैक्षिक सहयोग गर्ने उद्देश्यले स्थापित नेपाल टुहुरो कल्याण संघ आफै टुहुरो बन्यो ।

    कार्यालय र टुहुरा असहाय बच्चाहरुको हेरचाह र आवासीय सुविधासमेत दिई दिनरात खटीनु हुने संघको उपाध्यक्ष नजरराम महर्जन माथि ‘जक’ को अभियोगमा फासइएपछि अदालतबाट सफाई पाए पनि त्यो टुहुरो कल्याण संघले निरन्तरता पाएन ।

    एनआरएनको सहयोग र एआरएनका एक प्रतिनिधिले पाँगा निवासी डा. देवकाजी डंगोलको अध्यक्षतामा संरक्षित सो संस्था एक जना व्यक्तिको कारण टुहुरो हुनुपर्ने अवस्था नआउनुपर्ने हो । त्यस संस्थामा अन्य प्रबुद्धवर्ग पनि जिम्मेवारी पदमा थियो नै ।

    टुहुरो कल्याण संगै टुहुरो हुनुमा काण्डसंगै हिसावको पारदर्शी नहुनु र अडित गरी संस्था नवीकरण हुन नसक्नुले भएको हो भने पुनः जिवित गर्न अध्यक्ष लगायतले पहल गर्नु जरुरी छ ।

    एनआरएनका प्रतिनिधिहरु गत हप्तासम्म स्वदेश फर्की विविध कार्यक्रम गरी सहयोग र सद्भाव पोखी रहनु भएका छन् ।

    यति बेला कीर्तिपुरको कुनै एक हल वा विद्यालयमा टुहुरा कल्याण संघ नेपालको बार्षिक उत्सव मनाइरहेको हुने थियो । टुहुरा र असाहाय र गरिव विद्यार्थीहरुलाई केही राहत र दातृहरुलाई प्रशंसनीय कार्य गरेको गौरव गर्ने ठाउँ हुने थियो ।

    समय बाँकी छन्, सयौं असाहाय, गरीव र टुहुरा परिवारका विद्यार्थीहरु अहिले पनि विभिन्न विद्यालयमा अध्ययनरत छन् । ती विद्यार्थीहरुले निरन्तर रुपमा दिइदै आएको सहयोगलाई निरन्तरता दिन फेरि पहल गरौं । अबको टुहुरा कल्याण संघ ब्यवस्थित होस् इमान्दार होस्, लगानशील होस् पारदर्शी होस् । कीर्तिपुर लगायत सवै गाउँठाउँका जनताको सेवा होस् ।