धर्मको अर्थ नबुझ्नाले धर्म विनाश हुनसक्छ

वर्ष १०, अंक १३ (२०७० असार १४ गते शुक्रबार प्रकाशित)

धर्मको अर्थ नबुझ्नाले धर्म विनाश हुनसक्छ

    मानिस किन ढुङ्गाको मूर्तिलाई भगवान मानेर पूजा गर्छन् ? किन लाखौं खर्चेर धेरै टाढा तीर्थ यात्रा जान्छन् ? किन भगवान प्रति मात्र विश्वास राख्छन् ? यो कुरा धेरै गम्भीर छ । यदि भगवान देख्नु छ भने सबैलाई सम्मान सम्झनुस् । जो मासिको मनमा कुनै किसिमको दुराचारीको दाग छैन भने त्यसको हृदयमा ईश्वरको बास हुन्छ ।
    मानिसहरु लाखौं खर्च गरी धेरै टाढा गएर धर्म प्राप्त गर्नुभन्दा आफ्नो अन्तरआत्माको विकास गरी दुःखी जीवन बिताई रहेका गरीवलाई केही सहयोग गर्नु, आफूलाई जन्माउने आमाबुबाको सेवा गर्नु नै धर्म हो । धर्मकर्ममा चाहिनेभन्दा लाखौं खर्च गर्ने व्यक्तिलाई केही दिन अधि पवित्र मान्ने चारधाम मध्ये बद्रीनाथ केदारनाथ र ऋषिकेश मन्दिरमा बाढी पहिरोले हजारौं हिन्दु धर्मालम्बीहरुको मृत्यु र बेपत्ता भएका समाचारले पक्कै पनि सबै नेपालीलाई दिक्क बनायो होला ।
    भारतको प्रसिद्ध धाममा आफ्नो पाप मोक्ष गराउन नेपालबाट पनि बर्षेनी हजारौं हिन्दु धर्मालम्बीहरु जाने गर्छन् । त्यहाँका दैवी दुर्घटनाले मानिसको मनमा अब संसारमा भगवान छन् भनेर विश्वास गर्न गा¥हो पर्न सक्छ । यदि भगवान भए त यति ठूलो विपत्ति आउँदा कमसेकम अरुलाई जे भएपनि आफ्नो मन्दिरमा आउने आफ्ना भक्तलाई त्यसबाट बच्न समयमै सूचित गर्नुपर्ने होइन र ? भगवान नै छैन भन्न खोजेको चाहिँ होइन, मानिसमा सदाचारी कमी हुँदै गएमा छन् भन्न खोजेको मात्र हो ।
    अर्काको प्रगतिमा रिस नगर्ने, कसैको सम्पत्तिमा लोभ नगर्ने, कसैको सम्पत्तिमा लोभ नगर्ने शुद्ध भावना र त्यस अनुसार व्यवहारमा गर्न सक्ने सदाचारी व्यक्तिको घर–घरमा भगवानको बास हुन्छ ।
    यहाँ एउटै आमाबुबाले जन्माएका दाजुले भाइ चिन्दैन, भाइले दाजु चिन्दैन । उनीहरु आफ्ना आमाबुबाले नाम लिने, भाइले सके सबै आफ्नो नाम लिने, भाइले सके सबै आफ्नो नाम लिने खोज्छन् । कतिपय यतिले नपुगेर सार्वजनिक जग्गा, ऐतिहासिक पातीपौवा समेत आफ्नो कब्जामा लिएर घर बनाईएका उदाहरण धेरै छन् । अब सोच्नुस्, यस्तो व्यक्तिहरु धेरै टाढा लाखौं खर्चेर तीर्थस्थलमा गएर धर्म कमाउन गएका हुन कि पाप पखाल्न गएका हुन् ?
    भनिन्छ– जसरी फलाममा लागेका खियाले फलामलाई नै खान्छ त्यसरी नै सदाचारको उल्लंघन गर्ने व्यक्तिलाई आफ्नो कर्मले कुनै दिन आफैलाई दुर्गतिमा पु¥याउन सक्छ । त्यस्तै सदाचारको पालना नगर्ने व्यक्तिको लाख उपदेशबाट पनि कुनै फल प्राप्त हुँदैन । तर एउटा सदाचारी व्यक्तिको नबोलिकन नै हजारौंलाई सधार्न सक्दछ । त्यसैले भन्ने गर्छन्– ‘दुराचारी भएर १०० वर्ष बाँच्नु भन्दा सदाचारी बनेर १ दिन बाँच्नु वेश हुन्छ ।

— प्रो. राजेन्द्र अमात्य
फिट्नेस प्वाइन्ट ट्रेडिङ