वर्ष १०, अंक १८ (२०७० साउन १८ गते शुक्रबार प्रकाशित)
ठूला दल भारतीय विस्तारवादका दलाल
काठमाडौं
। नेपाल मजदुर किसान पार्टी, टोखा चण्डेश्वरी गाँउ एकाइ समिति र टोखा
सरस्वती गाँउ एकाइ समितिको संयुक्त आयोजनामा शनिबार टोखामा ’वैदेशिक
हस्तक्षेपविरूद्ध अभियान’ विषयक विचार गोष्ठी सम्पत्र भयो ।
गोष्ठीमा नेमकिपाका केन्द्रीय सदस्य एवं विदेश सम्बन्ध समिति प्रमुख प्रेम
सुवालले देशमा भारतीय विस्तारवाद, अमेरिकी साम्राज्यवाद र युरोपेली
युनियनलगायतका देशहरूको हस्तक्षेप बढ्दै गएको र नेपाललाई एक एक पाइला गर्दै
सिक्किमीकरण गर्न लागिरहेको बताउनुभयो ।
ठूला राजनैतिक दलहरू
भारतीय विस्तारवादको दलाल भएको चर्चा गर्दै एमाओवादीले भारतकै आडमा दसवर्षे
जनयुद्ध लडेको हुँदा अहिले माओवादी भारतलाई त्यसको ऋण तिर्न बाबुराम अर्को
‘लेण्डुप दोर्जे’ बत्रे बताउनुभयो ।
कार्यक्रममा नेमकिपाका
केन्द्रीय सदस्य एवं नेक्रामजदुर सङ्घका केन्द्रीय अध्यक्ष नवराज
कोइरालाले देशका ठूला दलहरूले आफूलाई ठूला पार्टीको रूपमा स्थापित गर्न
देशको नदीनाला भारतलाई बेचेको बताउनुभयो ।
कार्यक्रममा नेमकिपा
काठमाडौं जिल्ला समितिका अध्यक्ष नारायण महर्जन, टोखा चण्डेश्वरी गाँउ
एकाइ समितिका अध्यक्ष काशीलाल डंगोललगायतले बोल्नुभएको थियो । टोखा सरस्वती गाँउ एकाइ समितिका अध्यक्ष हरिदास श्रेष्ठको सभापतित्वमा सो कार्यक्रम
भएको थियो ।
No comments:
Post a Comment