क्यास र द्यास माओवादीको जीवनमरण

वर्ष १०, अंक १८ (२०७० साउन १८ गते शुक्रबार प्रकाशित)

क्यास र द्यास

माओवादीको जीवनमरण

    संविधानसभाको निर्वाचन र गैरसंवैधानिक सरकारको राजीनामा विषयलाई लिएर दुई माओवादी क्यास एमाओवादी र द्यास माओवादी जीवनमरणको संघर्षमा उत्रेको छ ।

    संविधानसभा मंसीर ४ को निर्वाचन बहिस्कार र खिलराजको मन्त्रीपरिषद् तुरुन्त खारेज हुनुपर्ने माग सहित दयास माओवादीले रत्नपार्कमा एक कार्यक्रम गरी नमूना मत पेटिका फुटाएपछि क्यास एमाओवादीका अध्यक्षले निर्वाचन जीवनमरणको संज्ञा दिएका छन् ।

    चार दल जसरी पनि निर्वाचन गर्नुपर्ने भन्दै बहिस्कारवादीको हात खुट्टा भाँच्ने र गाउँगाउँबाट लखेट्ने निर्देशन लगतै सरकारी प्रशासनले लतिलपुरमा गिरफ्तार गर्नुको साथै लाठी वर्षाउने घटना भयो ।

    क्यास माओवादी पूँजीवादमा आत्मसमर्पण र विदेशी दलाल भन्दै छुटेका द्यास माओवादी अहिलेदेखि नै भित्तामा पोष्टर र बालपेन्टिङ्गले बहिस्कारको नाराले सिंगारिँदै छने भने क्यासले YCL को शक्तिले रोक्न खोज्दै छ ।

    देश अहिले निकै कमजोर अवस्थामा रहेको छ विदेशको इसारामा चार शासक दल र नयाँ चुनावी मन्त्रीमण्डल समेत नाचिरहेका छन् । वैदेशिक हस्तक्षेपको भूमिका बनाउने काम जसरी पनि सत्तामा पुग्न खोज्ने दलहरुबाट भैरहेको झन झन स्पष्ट हुँदै आएको छ । धमिलो पानीमा माछा मार्ने काम ती नै दलहरुबाट भैरहेको छ ।

    देशमा राजनैतिक निकास दिनु जरुरी छ । त्यसको उत्तम उपाय भनेको अहिले निर्वाचननै हो । तर निर्वाचनको लागि निर्वाचन हुने खतरा बढेको छ । वैदेशिक हस्तक्षेपको लागि निर्वाचन हुने शंका बढेको छ । विरलै हुने संविधानसभाको दोस्रो निर्वाचनमा पहिलेको सहमति मान्दैनौं भन्नेहरुले धेरै सिट जितेमा थप जटिलता हुने पक्का छ भने अर्बौं रुपैयाँ फेरि भत्ता र चुनावमा मात्र खर्च हुनेछ ।

    त्यसैले अबको निकास भनेको संसदीय निर्वाचन हो । द्यास र क्यास देश र जनताका लागि निकासा निकाल्ने हो भने छातिमा हात राखेर सोच्नु हामीले देश कहाँ पुर्याउँदै छौं । होइन भने त्यस्ता दलहरुलाई अब जनताले चिन्ने बेला भैसक्यो । अब पनि जनता विरोधी दलहरुलाई चिन्न सकेनौं भने देश भड्खालोमा जाने निश्चित छ ।